Propoñemos medidas para limitar a invasión de vehículos de motor no espazo público para minimizar a contaminación, os ruidos e os obstáculos que soportan os cidadáns:
· Desviar o tráfico de paso da vila mediate unha variante é unha medida indiscutiblemente necesaria para reducir a circulación, eliminar o tránsito de vehículos pesados e mellorar así a seguridade vial e os niveles de contaminación por CO2 . O concello de Ortigueira debe comprometerse con forza na execución este proxecto reclamando que se lle de prioridade a este tramo sobre outros do trazado da autoestrada do Cantábrico.
· Habilitar aparcamentos gratuítos nas zona de entrada á vila coa finalidade de disuadir a moitos vehículos de entrar na zona urbana para dar voltas buscando infructuosamente aparcadoiros.
· Estamos a favor da peonización de rúas do casco antigo, que non foron deseñadas e non dispoñen de espazo para acoller vehículos, restrinxindo a entrada de coches aos residentes e vehículos de carga e descarga, e animamos ao goberno municipal a incrementar o número de rúas peonís, en Ortigueira como en Espasante, recordando tamén que esta medida debe de ir acompañada de un verdadeiro acondicionamento destes espacios para o uso público. Poñemos como exemplo negativo deste tipo de intervencións a rehabilitación do Cantón, que foi abarrotada de elementos innecesarios que non contribúen a o uso social do espacio senón que o entorpecen.
· Demandamos a eliminación das barreiras arquitectónicas que en fan intransitables as ruas en casi a totalidade da vila. Pedimos particularmente que se fagan as beirarúas ao nivel da calzada para facilitar o tránsito de sillas de rodas e coches de nenos en Ortigueira e Espasante.
· Invitamos a facer unha decidida aposta por favorecer o uso da bicicleta, transporte cómodo e sustentable por antonomasia, incluíndo en tódolos novos planeamentos a habilitación do carril-bici e colocando aparcadoiros de bicicleta nomeadamente en zonas escolares e deportivas, así como na praia, en cuio aceso recentemente construido nos sorprende que esquecesen tan obvia necesidade. É inexplicable que se esté a facer unha reforma da estrada que comunica Ortigueira con Espasante prescindindo deste servizo que debería ter un trazado continuo alomenos dende Cuiña a Espasante. Creemos que o carril de bicicletas sería particularmente útil nas parroquias cuia población dispersa e descontinua necesita de todo tipo de esforzos que faciliten a comunicación.
· Atendendo a esta mesma demanda reclamamos para as parroquias un trazado para uso de peóns que actualmente teñen que transitar por estreitas pistas pensadas exclusivamente para automóbiles que circulan axiña e con gran inseguridade para eles para os transeúntes de a pé. Pensamos que as parroquias deberían de estar conectadas por accesos seguros e agradables para peóns e ciclistas como condición imprescindible para mellorar a comunicación e a integración dos seus habitantes. Avogamos particularmente pola recuperación para este uso de antigos camiños e congostras, que constitúen unha parte moi esquecida do noso patrimonio.
· Reclamamos que se reforcen as medidas de seguridade vial nos dous núcleos urbanos, habilitando en lugares puntuais novos pasos de peóns e instalando bandas sonoras elevadas que obriguen nas entradas á vila a reducir a velocidade dos vehículos.
· Finalmente, neste capítulo é necesario facer un especial esforzo en mellorar os desamparados medios de comunicación públicos na comarca. En aras da sustentabilidade, a administración municipal non pode deixar de implicarse na reivindicación de melloras no servizo de FEVE, reclamando un tren de mais velocidade e maior periodicidade e promovendo o seu uso. Tamén propoñemos que se fagan xestións para establecer un convenio cos concellos colindantes co obxecto de crear un transporte interurbano fixo que favorecería o intercambio económico, de servizos, e a comunidade de intereses (edcativo, cultural, etc) entre os veciños concellos.
O tema da seguridade nas pistas das parroquias é escandaloso. Tanto para peóns como condutores. E necesario esixir medidas efectivas para garantir a seguridade do transito peonil nas pistas das parroquias. Isto debe esixirse tanto á administración municipal como á provincial.
A razón de comezar a Vía de Alta Capacidade por Ortigueira é para desconxestionar a Vila do tráfico pesado e de coches que non van parar.
Pensamos que hai que habilitar zonas de aparcamento gratuito e queremos facelo.
Levamos no noso programa a colaboración con FEVE para aumentar e mellorar este medio de transporte que está prácticamente abandonado.
Tamén imos mellorar o servicio de buses tanto con outros Concellos como cas cidades, levamos moitos anos sufrindo esta deficiencia e sempre me estrañou que e o Concello non tomara parte activa neste problema.
Imos mellorar as comunicacións cas parroquias e tomo a idea de recuperar antigos camiños e congostras, interesante para os veciños e como rutas de sendeirismo.
Querida Raquel, ¿desconxestionar di vostede? ¿Sabe que vai pasar cando inaguren a circunvalación de Ortigueira? Pois digollo eu, e é que nin dios vai parar en Ortigueira. Vai pasar como todos esos pobos de Castela que lle quitaron a estrada do pobo e foronse abandoando. Pois se Ortigueira xa se abandoa coa estrada no pobo, imaxinese cando a eliminen... e é algo a ter moi en conta pero bueno, nin que en Ortigueira sufrisemos retencións kilométricas nin horas de atasco...
E no que si estou de acordo e en mellorar os horarios de bus e tren. Resulta que non hai ningún acorde coas horas de entrada a traballar. Traballas en Ferrol ou Viveiro... e olvidate que antes das 10 non chegas... No bus igual. Logo os enlaces son unha auténtica merda, asi de claro. Se vas de Ortigueira a Ferrol no tren, e logo queres coller o bus a Santiago, non che cadra o horario por 15 minutos que chega mais tarde o tren, e tes que esperar 1h e 30 min máis pra o seguinte. Se queres ir a Coruña, igual, nin enlaza cos trens, nin nada.
E sintóo este roiazo, pero é verdade. Os que temos que usar o transporte público sentimonos coma a merda, asi de claro, porque tardar 3 horas e algo en chegar a Coruña... é delito.
E ainda por riba, a empresa Arriva, en 8 meses subiu o prezo dos billetes 3 VECES, a última sin razón nen fundamento, xa que o gasoil leva meses baixando, e a revisión do IPC é en xaneiro, cousa que xa fixeron. Encima ofrecen un transporte tercermundista.
O que había que facer era unha protesta dunha vez, que xa estamos ata ás narices.
Un afectuoso saúdo.