ESCRITO Á DIRECCIÓN XERAL DE PATRIMONIO
EXPÓN:
Que OS CELTAS PROMOCION DE VIVENDAS S.L. Comezou as obras dunha promoción de 67 vivendas no Paseo Barro Soto de Ortigueira nunha parcela clasificada como urbana de Núcleo Lineal. Dita parcela está pegada a unha zona de Protección Patrimonial onde se atopa o CASTRO DO CAMPO DA TORRE incluído no Inventario do Patrimonio Histórico Artístico das Normas Complemetarias e Subsidiarias do Planeamento Provincial de A Coruña. Polo que lle é de aplicación directa a normativa prevista na Lei 8/1995 do Patrimonio Artistico de Galicia.
Que as normas subsidiarias do planeamento urbanístico do Concello de Ortigueira publicadas no BOP do 25 de maio e 1993 e no seu artigo 291 determínase que “no caso dos castros a zona de protección non edificable será de 100 metros contados a partir do perímetro resultante ou suposto. Haberá tamén unha zona de influencia de outros 100 metros contados a partir da zona de protección onde as construccións poderán permitirse previo estudo sobre impacto ambiental en relación co castro”
Que a licenza municipal non inclúe informe algún de patrimonio polo que SOLICITO que tendo presentado este escrito e aos efectos previstos nos artigos 89 e seguintes da Lei 8/ 1995 do patrimonio cultural de Galicia, se leven a cabo as comprobacións necesarias e adopten as medidas preceptivas para a defensa do patrimonio.
En Ortigueira a 30 de marzo de 2007
CONSELLERÍA DE CULTURA E DEPORTES. DIRECCIÓN XERAL DE PATRIMONIO
